ਤਾਜੀਆਂ ਤੇ ਸੱਚੀਆਂ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣ ਲਈ ਹੁਣੇ ਹੀ ਪੇਜ ਨੂੰ ਲਾਈਕ ਕਰੋ ਅਸੀਂ ਹਮੇਸ਼ਾ ਸਹੀ ਤੇ ਨਿਰਪੱਖ ਜਾਣਕਾਰੀ ਦੇਣ ਦੀ ਤੁਹਾਨੂੰ ਕੋਸ਼ਿਸ਼ ਕਰਦੇ ਹਾਂ , ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ
ਸੂਬੇ ਚ “ਸੁਹਾਵਣੀ” ਤੇ ਮੱਠੀ ਠੰਢ ਦੀ ਉਮੀਦ:
+IOD(ਪੋਸੀਟਿਵ ਇੰਡੀਅਨ ਓਸ਼ੀਅਨ ਡਿਪੋਲ) ਦੀ ਦਮਦਾਰ ਸਥਿਤੀ ਕਾਰਨ ਇਸ ਸੀਜ਼ਨ ਪੰਜਾਬ ਸਣੇ ਪੂਰੇ ਉੱਤਰ ਤੇ ਮੱਧ ਭਾਰਤ ਦਾ ਰਾਤਾਂ ਦਾ ਤਾਪਮਾਨ, ਔਸਤ ਨਾਲੋਂ 0.5° ਤੋਂ 1° ਤੱਕ ਵਧੇਰੇ ਰਹੇਗਾ, ਸਿੱਧੇ ਸ਼ਬਦਾਂ ਚ ਠੰਢ ਆਮ ਨਾਲੋਂ ਘੱਟ ਪਵੇਗੀ।
‘ਸੁਹਾਵਣੀ’ ਸਰਦੀ ਤੋਂ ਭਾਵ ਕਿ ਪੰਜਾਬ ਚ ਲੰਮੀ ਹੱਡ ਭੰਨਵੀਂ “ਸ਼ੀਤ ਲਹਿਰ” ਦੀ ਕੋਈ ਉਮੀਦ ਨਹੀਂ ਹੈ। ਜਦਕਿ ਦਿਨ ਦਾ ਪਾਰਾ ਸੁਖਦਾਈ ਰਹੇਗਾ। ਜਿਕਰਯੋਗ ਹੈ ਕਿ ਸੂਬੇ ਚ ਹਾਲੇ 20 ਦਸੰਬਰ ਤੱਕ ਵੱਡੇ ਪੱਧਰ ‘ਤੇ ਧੁੰਦ ਦੀ ਉਮੀਦ ਘੱਟ ਹੈ ਤੇ ਰਾਤਾਂ ਦਾ ਪਾਰਾ ਕਠੋਰ ਪੱਧਰ ‘ਤੇ ਨਹੀਂ ਗਿਰੇਗਾ।
ਸਮੁੱਚੇ ਸੀਜਨ(ਦਸੰਬਰ ਤੋਂ ਫਰਵਰੀ) ਚ ਔਸਤਨ 20-22 ਧੁੰਦ ਵਾਲੇ ਦਿਨ ਹੁੰਦੇ ਹਨ, ਇਸ ਵਰ੍ਹੇ ਇਨਾਂ ਦੀ ਗਿਣਤੀ ਸਿਰਫ 15-16 ਰਹੇਗੀ। ‘ਕੋਰੇ’ ਦੀ ਸਥਿਤੀ ਵੀ ਇਸ ਵਾਰ ਘੱਟ ਰਹੇਗੀ।ਸੀਜਨ ਚ ਔਸਤਨ 10-12 ਰਹਿਣ ਵਾਲੇ ਠੰਢੇ ਦਿਨਾਂ ਦੀ ਗਿਣਤੀ ਇਸ ਵਾਰ 6 ਤੋਂ 8 ਰਹੇਗੀ। ਜਦੋਂ ਧੁੰਦ ਜਾਂ ਬੱਦਲਾਂ ਕਾਰਨ ਦਿਨ ਦਾ ਪਾਰਾ 16° C ਤੋਂ ਹੇਠਾਂ ਰਹਿੰਦਾ ਹੈ, ਇਸ ਸਥਿਤੀ ਨੂੰ “ਠੰਢੇ ਦਿਨ” ਜਾਂ “ਕੋਲਡ ਡੇਅ” ਕਿਹਾ ਜਾਂਦਾ ਹੈ।
ਸਿਆਲ ਚ ਬਾਰਿਸ਼ “ਵੈਸਟਰਨ ਡਿਸਟ੍ਬੇਂਸ” ਦੀ ਗਿਣਤੀ ‘ਤੇ ਨਿਰਭਰ ਕਰਦੀ ਹੈ। ਦਸੰਬਰ ਚ ਇਹ ਗਿਣਤੀ ਔਸਤ ਰਹੇਗੀ। ਜਦਕਿ ਜਨਵਰੀ ਚ ਲੋਹੜੀ ਤੋਂ ਬਾਅਦ ਸੂਬੇ ਚ (ਜਨਵਰੀ ਤੋਂ ਮਾਰਚ ਪਹਿਲੇ ਅੱਧ) ਔਸਤ ਨਾਲੋਂ ਵੱਧ ਮੀਂਹ ਤੇ ਗੜੇਮਾਰੀ ਦੇਖੀ ਜਾਵੇਗੀ। ਪਹਾੜਾਂ ਚ ਲਗਾਤਾਰ ਦੂਜੇ ਸਾਲ ਔਸਤ ਤੋਂ ਵੱਧ ਬਰਫਬਾਰੀ ਹੋਵੇਗੀ। ਫਿਰ ਵੀ ਇਹ ਸਿਆਲ ਪਿਛਲੇ ਵਰ੍ਹੇ ਜਿਨ੍ਹਾਂ ਐਕਟਿਵ ਨਹੀਂ ਰਹੇਗਾ।
ਕੁੱਲ ਮਿਲਾ ਕੇ ਇਸ ਸੀਜਨ ਚੰਗੀਆਂ ਬਰਸਾਤਾਂ ਤੇ ਪਹਾੜਾਂ ਚ ਚੰਗੀ ਬਰਫਬਾਰੀ ਦੇ ਬਾਵਜੂਦ ਠੰਢ ਔਸਤ ਨਾਲੋਂ ਮੱਠੀ ਰਹੇਗੀ। ਪਰ ਵੱਧ ਬਰਸਾਤਾਂ ਕਾਰਨ ਬਸੰਤ ਰੁੱਤ ਲੰਮਾ ਸਮਾਂ ਰਹਿ ਸਕਦੀ ਹੈ।
-ਜਾਰੀ ਕੀਤਾ: 5:34pm, 1 ਦਸੰਬਰ, 2019
