ਤਾਜੀਆਂ ਤੇ ਸੱਚੀਆਂ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣ ਲਈ ਹੁਣੇ ਹੀ ਪੇਜ ਨੂੰ ਲਾਈਕ ਕਰੋ ਅਸੀਂ ਹਮੇਸ਼ਾ ਸਹੀ ਤੇ ਨਿਰਪੱਖ ਜਾਣਕਾਰੀ ਦੇਣ ਦੀ ਤੁਹਾਨੂੰ ਕੋਸ਼ਿਸ਼ ਕਰਦੇ ਹਾਂ , ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ
ਇੱਕ ਹੋਰ ਪੱਛਮੀ ਸਿਸਟਮ ਪਰਸੋਂ ਤੋਂ ਕਰੇਗਾ ਸੂਬੇ ਨੂੰ ਪ੍ਰਭਾਵਿਤ:
20/21 ਦਸੰਬਰ ਖਿੱਤੇ ਪੰਜਾਬ ਚ ਕਿਣਮਿਣ ਤੇ ਹਲਕੀ ਕਾਰਵਾਈ ਦੀ ਸੰਭਾਵਨਾ, ਖਾਸਕਰ ਓੁੱਤਰੀ ਪੰਜਾਬ ਤੇ ਹਰਿਆਣੇ ਤੇ ਹਰਿਆਣੇ ਲਾਗੇ ਪੈਂਦੇ ਜਿਲ੍ਹਿਆਂ ਚ, ਨਾਲ ਹੀ ੨੦੦੦ਮੀਟਰ ਤੋੰ ਓੁੱਚੇ ਪਹਾੜਾਂ ਚ ਦਰਮਿਆਨੀ ਬਰਫ਼ਵਾਰੀ ਹੋਵੇਗੀ।ਹਾਲਾਕਿ ਇਹ ਸਿਸਟਮ ਮੀਂਹ ਦੀ ਬਜਾਏ ਠੰਡ ਚ ਇਜ਼ਾਫਾ ਕਰਨ ਵਾਲੇ ਇੱਕ ਕੋਲਡ-ਫਰੰਟ ਵਜੋੰ ਜਿਆਦਾ ਕੰਮ ਕਰੇਗਾ।
ਸਿਸਟਮ ਦੇ ਗੁਜ਼ਰਣ ਬਾਅਦ ਸ਼ੀਤਲਹਿਰ ਹੋਰ ਜੋਰ ਫੜੇਗੀ,ਦਿਨ-ਰਾਤ ਹੱਥ-ਪੈਰ ਸੁੰਨ ਕਰਨ ਵਾਲੀ ਠੰਡ ਪਵੇਗੀ।ਬੀਤੇ ਸਿਸਟਮ ਤੋਂ ਸ਼ੁਰੂ ਹੋਈ ਕੋਲਡ-ਡੇਅ ਸਥਿਤੀ ਲਗਾਤਾਰ ਜਾਰੀ ਹੈ, ਧੁੰਦ ਵਾਲੇ ਬੱਦਲਾਂ ਤੇ ਥੱਲੇ ਵਗਦੀ ਸ਼ੀਤਲਹਿਰ ਕਾਰਨ ਸੂਬਾਵਾਸੀਆਂ ਨੂੰ ਕੰਬਣੀ ਛਿੜੀ ਹੋਈ ਹੈ।ਬੀਤੇ ੨-੩ ਦਿਨਾਂ ਵਾਂਗ ਅੱਜ ਵੀ ਮੁਕੰਮਲ ਸੂਬੇ ਚ ਕੋਲਡ-ਡੇਅ ਲੱਗਾ ਰਿਹਾ।
ਅੱਜ ਦਰਜ਼ ਵੱਧੋ-ਵੱਧ ਪਾਰਾ ਤਰਨਤਾਰਨ 10.4°c,ਅੰਮ੍ਰਿਤਸਰ B 10.6°cਅਨੰਦਪੁਰ ਸਾਹਿਬ 10.8°c,ਚੰਡੀਗੜ੍ਹ 11.3°c,ਕਰਨਾਲ 11.4°c,ਅੰਮ੍ਰਿਤਸਰ,ਕਪੂਰਥਲਾ 11.5°c,ਮਾਨਸਾ 11.7°c,ਸਿਰਸਾ 12.1°c,ਫਿਰੋਜ਼ਪੁਰ,ਮੁਕਤਸਰ 13°c,ਮੋਗਾ 13.1°c,ਫਿਲੌਰ 13.4°c,ਲੁਧਿਆਣਾ B 13.7°c,ਜਲੰਧਰ,ਅੰਬਾਲਾ 13.8°c,ਪਟਿਆਲਾ 14.1°c,ਲੁਧਿਆਣਾ 14.2°c,ਹੁਸ਼ਿਆਰਪੁਰ 14.4°c,ਫਰੀਦਕੋਟ B 14.8°c,ਪਠਾਨਕੋਟ 15.1°c ਕੱਲ੍ਹ ਸਵੇਰੇ ਵੀ ਅਨੇਕਾਂ ਖੇਤਰਾਂ ਚ ਧੁੰਦ ਬਣੀ ਰਹੇਗੀ,ਪਰ ਦਿਨ ਵੇਲੇ ਬੱਦਲਵਾਈ ਚ ਵਾਧਾ ਹੋਵੇਗਾ ਤੇ ਕੱਲ੍ਹ ਦੇਰ ਰਾਤ ਕਿਣਮਿਣ ਦੀ ਆਸ ਰਹੇਗੀ।
